បច្ចុប្បន្នភាព

ប្រមុខរដ្ឋស្តីទីបញ្ចប់គោរមងារឧកញ៉ាពីឧកញ៉ា ឡេង ចាន់ណា

លោក សាយ ឈុំ ប្រមុខរដ្ឋស្តីទីចេញព្រះរាជក្រឹត្យបញ្ចប់គោរមងារឧកញ៉ាពីឧកញ៉ា ឡេង ចាន់ណា ត្រឹមតែពីរថ្ងៃ បន្ទាប់ត្រូវបានសមត្ថកិច្ចឃាត់ខ្លួនផ្អែកតាមបណ្តឹងពីប្រជាពលរដ្ឋពាក់ព័ន្ធនឹងករណីឆបោក។

១៤ មីនា ២០២៤

មេបញ្ជាការរងកងរាជអាវុធហត្ថស្រុកចំនួន៣រូប ត្រូវបានដកហូតមុខតំណែងនិងបន្ថយឋានន្តរស័ក្តិ

មេបញ្ជាការរងមូលដ្ឋានកងរាជអាវុធហត្ថស្រុកស្វាយជ្រុំចំនួន ៣រូប ត្រូវបានដកហូតមុខតំណែង និងបន្ថយឋានន្តរស័ក្តិមកត្រឹមជានាយទាហាន ដោយសារទាមទារប្រាក់ជាថ្នូរនឹងការដោះលែងជនសង្ស័យប្រើប្រាស់គ្រឿងញៀន។

១៤ មីនា ២០២៤

ទណ្ឌិតចំនួន២៤៥នាក់ ទទួលបានការបន្ធូរបន្ថយទោស ក្នុងទិវាជ័យជម្នះ ៧មករា ឆ្នាំ២០២៤

ទណ្ឌិតចំនួន ២៤៥នាក់ ត្រូវបានបន្ធូរបន្ថយទោសចន្លោះពី ៣ខែ ទៅ១២ខែ ខណៈទណ្ឌិតម្នាក់ ត្រូវបានបន្ថយទោសមួយជីវិត មកនៅត្រឹម ៣០ឆ្នាំ ក្នុងឱកាសទិវាជ័យ ជម្នះលើរបបប្រល័យពូជសាសន៍ឆ្នាំ២០២៤ ក្រោយពីពួកគេបានខិតខំកែប្រែខ្លួនបានល្អ ក្នុងរយៈពេលរងទោសក្នុងពន្ធនាគារកន្លងមក ។

១៣ មីនា ២០២៤

ក្រសួងមហាផ្ទៃសម្រេចបណ្តេញមន្ត្រីនគរបាលជិត៧០រូប ចេញពីក្របខ័ណ្ឌដោយសារល្មើសវិន័យកងកម្លាំងនគរបាលជាតិ

ក្រសួងមហាផ្ទៃសម្រេចបណ្តេញមន្ត្រីនគរបាលជិត ៧០រូប ដែលមានតួនាទីចាប់ពីមន្ត្រីរហូតដល់ស្នងការរងខេត្ត មកពីអគ្គនាយកដ្ឋាន និងស្នងការដ្ឋាននគរបាលរាជធានីខេត្ត១៨ផ្សេងគ្នា ចេញពីក្របខណ្ឌមន្ត្រីនគរបាលជាតិ ដោយសារល្មើសវិន័យកងកម្លាំងនគរបាលជាតិ។

១២ មីនា ២០២៤

ព្រះមហាក្សត្រត្រាស់បង្គាប់តែងតាំងសមាជិករាជវង្សពីរអង្គជាសមាជិកព្រឹទ្ធសភាសម្រាប់នីតិកាលទី៥

ព្រះមហាក្សត្រ ត្រាស់បង្គាប់តែងតាំងសម្តេចរាជបុត្រីព្រះអនុជ នរោតត្តម អរុណរស្មី និងព្រះអង្គម្ចាស់ ស៊ីសុវត្ថិ ធម្មិកោ ជាសមាជិកព្រឹទ្ធសភានីតិកាលទី៥ ដែលការតែងតាំងនេះ ធ្វើឡើងមួយថ្ងៃ បន្ទាប់ពីគណៈកម្មាធិការជាតិរៀបចំការបោះឆ្នោតប្រកាសលទ្ធផលផ្លូវការ។

១១ មីនា ២០២៤

មន្ត្រីរាជការនិងសប្បុរសជនជិត៤០០នាក់ទទួលបានគ្រឿងឥស្សរិយយស ការដំឡើងឋានន្តរស័ក្តិ និងការតែងតាំង

សប្បុរសជន និងមន្ត្រីរាជការជិត ៤០០នាក់ និងកងឯកភាពចំនួន១៣ ទទួលបានគ្រឿងឥស្សរិ យយសការដំឡើងថ្នាក់និងឋានន្តរស័ក្តិ និងការតែងតាំង។

៧ មីនា ២០២៤

សៀវភៅរាជកិច្ចលេខ២១៖ ទណ្ឌិតជាង៥០០នាក់ទទួលបានការលើកលែងទោស និងបន្ធូរបន្ថយទោសចន្លោះពី៣ខែដល់១ឆ្នាំ

ទណ្ឌិតចំនួន៥៣៧នាក់ ត្រូវបានបន្ធូរបន្ថយទោសចំនួនចន្លោះពី ៣ខែ ទៅ១២ខែ ខណៈទណ្ឌិតម្នាក់ ត្រូវបានបន្ថយទោសមួយជីវិត មកនៅត្រឹម ៣០ឆ្នាំ និងទណ្ឌិតម្នាក់ទៀត ត្រូវបានលើកលែងទោស ក្នុងឱកាសពិធីបុណ្យឯករាជ្យជាតិ និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣ ក្រោយពីពួកគេបានខិតខំកែប្រែខ្លួន បានល្អ អំឡុងពេលអនុវត្តទោសក្នុងពន្ធនាគារកន្លងមក។

៧ មីនា ២០២៤