-
រដ្ឋាភិបាលកំណត់យកថ្ងៃទី២៩ ខែធ្នូ រៀងរាល់ឆ្នាំ ជា“ទិវាសន្តិភាពនៅកម្ពុជា”
រដ្ឋាភិបាលចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា “ទិវាសន្តិភាពនៅកម្ពុជា” ដើម្បីរំលឹកដល់ការបញ្ចប់សង្គ្រាម ជាការដឹងគុណ និងបំផុសស្មារតីដល់ប្រជាពលរដ្ឋគ្រប់ជំនាន់ឱ្យយល់ច្បាស់ពី “គុណតម្លៃ នៃសុខសន្តិភាព”។
-
មន្ត្រីនគរបាល៥០រូបត្រូវបានផ្ទេរចេញពីអង្គភាពរបស់ខ្លួន បន្ទាប់ពីផ្ទុះរឿងអាស្រូវទារប្រាក់
ក្រសួងមហាផ្ទៃសម្រេចផ្ទេរភារកិច្ចមន្ត្រីនគរបាលជាតិ៥០រូប ចេញពីអង្គភាពរបស់ខ្លួន បន្ទាប់ពីផ្ទុះរឿងអាស្រូវជុំវិញការទារប្រាក់១០ម៉ឺនដុល្លារ អំឡុងពេលចុះឆែកឃ្លាំងស្រារបស់ក្រុមហ៊ុនក្នុងស្រុកមួយ នេះបើយោងតាមសេចក្តីរាយការណ៍របស់បណ្តាញព័ត៌មានក្នុងស្រុក Fresh News កាលពីថ្ងៃទី២៨ ខែធ្នូ ឆ្នាំ២០២៣។
-
ក្រុមហ៊ុនគ្រប់គ្រងដោយសាច់ញាតិរបស់មន្ត្រីរដ្ឋាភិបាលជាន់ខ្ពស់ទទួលបានសិទ្ធិអភិវឌ្ឍន៍លើដីនៅឧទ្យានជាតិសំខាន់ពីរ
រដ្ឋាភិបាលធ្វើអនុបយោគដីសាធារណៈរបស់រដ្ឋមកជាដីឯកជនរបស់រដ្ឋលើផ្ទៃដីជាង ៤០០ហិកតា ស្ថិតនៅតំបន់ឧទ្យាជាតិ ០២កន្លែង នៅខេត្តកែប និងខេត្ត ពោធិ៍សាត់ សម្រាប់គម្រោងអភិវឌ្ឍន៍ទេសចរណ៍ធម្មជាតិរបស់ក្រុមហ៊ុនឯកជន ចំនួន ០២ ដែលគ្រប់គ្រងដោយសាច់ញាតិរបស់មន្ត្រីរដ្ឋាភិបាលជាន់ខ្ពស់។
-
រដ្ឋាភិបាលធ្វើអនុបយោគផ្ទៃដីប្រមាណ ៦០០ហិកតា ដើម្បីជួលឱ្យគម្រោងអភិវឌ្ឍន៍ និងផ្តល់ជាកម្មសិទ្ធិឯកជន
រដ្ឋាភិបាលចេញអនុក្រឹត្យធ្វើអនុបយោគដីសាធារណៈរបស់រដ្ឋមកជាដីឯកជនរបស់រដ្ឋលើផ្ទៃដីសរុបប្រមាណ ៦០០ហិកតា ស្ថិតនៅខេត្តកែប កំពត កោះកុង កំពង់ស្ពឺ និង រាជធានីភ្នំពេញ សម្រាប់គម្រោងអភិវឌ្ឍន៍ និងផ្តល់កម្មសិទ្ធិជូនបុគ្គលឯកជន និងគ្រួសារពលរដ្ឋ។
-
រាជកិច្ចលេខ៨៩បង្ហាញពីការផ្តល់គោរមងារ ការផ្តល់សញ្ជាតិ ការបែងចែកដីធ្លី និងការតែងតាំង
សៀវភៅរាជកិច្ចលេខ៨៩ បានបង្ហាញពីការផ្តល់គោរមងារ ការផ្តល់ គ្រឿងឥស្សរិយយស ការផ្តល់សញ្ជាតិខ្មែរ ការបែងចែកដីធ្លី ការដំឡើងឋានន្តរស័ក្តិ និងការតែងតាំងមុខតំណែងដល់មន្ត្រីមួយចំនួន ដែលក្នុងនោះក៏មានមន្ត្រីជាន់ខ្ពស់យោធា និងនគរបាលជាតិផងដែរ។
-
រដ្ឋាភិបាលកំណត់តំបន់ជាង៨០ ក្នុងខេត្តចំនួន១២ ជាតំបន់ប្រវត្តិសាស្ត្រយោធា
រដ្ឋាភិបាលបានកំណត់តំបន់ប្រវត្តិសាស្រ្តយោធា នៅតំបន់ជាង៨០ ស្ថិតនៅយោធភូមិភាគទី៣ យោធភូមិភាគទី៤ យោធភូមិភាគទី៥ និងតំបន់ទេសចរណ៍ប្រវត្តិសាស្រ្តអន្លង់វែង ដែលតំបន់ទាំងនោះស្ថិតនៅក្នុងខេត្តចំនួន១២។
-
រដ្ឋាភិបាលកាត់ឆ្វៀលដីរដ្ឋ ៥ ៤៦២ ហិកតា ដើម្បីផ្តល់ជាកម្មសិទ្ធិជូនប្រជាពលរដ្ឋចំនួន ៤៩០គ្រួសារ
រដ្ឋាភិបាលធ្វើអនុបយោគដីសាធារណៈរបស់រដ្ឋ មកជាដីឯកជនរបស់រដ្ឋលើផ្ទៃដីជាង ៥ ០០០ហិកតា ស្ថិតនៅក្រុងសែនមនោរម្យ ខេត្តមណ្ឌលគិរី ដើម្បីផ្តល់ជាកម្មសិទ្ធិជូនប្រជាពលរដ្ឋ ៤៩០គ្រួសារ។
-
គ.ជ.ប ទទួលស្គាល់ការចុះបញ្ជីគណបក្សនយោបាយចំនួន ៤ សម្រាប់ការបោះឆ្នោតជ្រើសតាំងសមាជិកព្រឹទ្ធសភា
គណៈកម្មាធិការជាតិរៀបចំការបោះឆ្នោត (គ.ជ.ប) ទទួលស្គាល់ការចុះបញ្ជីឈរឈ្មោះបោះឆ្នោត និងបញ្ជីបេក្ខជនឈរឈ្មោះមកពីគណបក្សនយោបាយ ចំនួន៤ ជាផ្លូវការ សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាល ទី៥ ឆ្នាំ២០២៤ ដែលគ្រោងនឹងប្រព្រឹត្តទៅនៅចុងខែកុម្ភៈឆ្នាំក្រោយ។
-
រដ្ឋាភិបាលធ្វើអនុបយោគដី២ទីតាំងផ្តល់ជាកម្មសិទ្ធិសមូហភាពជូនសហគមន៍ជនជាតិដើមភាគតិច
រដ្ឋាភិបាលបានធ្វើអនុបយោគផ្ទៃដីជិត៨០០ហិកតា នៅស្រុកសំបូរ ខេត្តក្រចេះ ពីដីសាធារណៈរបស់រដ្ឋ មកជាដីឯកជនរបស់រដ្ឋ សម្រាប់ធ្វើប្រទានកម្មជាកម្មសិទ្ធិសមូហ ភាពជូនប្រជាពលរដ្ឋសហគមន៍ជនជាតិដើមភាគតិចក្រោល និងព្នង សរុប២៦៦គ្រួសារ។
-
រដ្ឋាភិបាលធ្វើអនុបយោគដីឧទ្យានជាតិសំខាន់ៗ២កន្លែង សម្រាប់គម្រោងអភិវឌ្ឍន៍របស់ក្រុមហ៊ុនចំនួន១៤
រដ្ឋាភិបាលធ្វើអនុបយោគដីសាធារណៈរបស់រដ្ឋ មកជាដីឯកជនរបស់រដ្ឋលើផ្ទៃដីសរុបជិត ៣ ០០០ ហិកតា នៃឧទ្យានជាតិពីរកន្លែងផ្សេងគ្នា ដើម្បីជួលឱ្យគម្រោងអភិវឌ្ឍន៍របស់ក្រុមហ៊ុនឯកជនចំនួន១៤ ក្នុងរយៈពេលវែង៥០ឆ្នាំ។
-
សមាសភាពថ្នាក់ដឹកនាំ គ.ជ.ប សម្រាប់អាណត្តិថ្មីប្រកាសចូលកាន់តំណែង
សមាសភាពថ្នាក់ដឹកនាំគណៈកម្មាធិការជាតិរៀបចំការបោះឆ្នោត សម្រាប់អាណត្តិថ្មី ប្រកាសចូលកាន់តំណែងជាផ្លូវការ បន្ទាប់ពីទទួលការតែងតាំងពីព្រះមហាក្សត្រ និងការផ្តល់សេចក្តីទុកចិត្តពីរដ្ឋសភាកាលពីថ្ងៃពុធ។
-
ឧកញ៉ា៥រូបទទួលបានគោរមងារជាអ្នកឧកញ៉ា ខណៈបុគ្គល៣រូបទៀតទទួលគោរមងារជាឧកញ៉ា
ព្រះមហាក្សត្រ បានត្រាស់បង្គាប់ផ្តល់គោរមងារជាអ្នកឧកញ៉ា ដល់ឧកញ៉ាចំនួន៥រូប ខណៈបុគ្គលចំនួន៣រូបទៀត បានទទួលគោរមងារជា ឧកញ៉ា។ការផ្តល់គោរមងារនេះ បានធ្វើឡើងតាមរយៈព្រះរាជក្រឹត្យចំនួន៨ នៅក្នុងសៀវភៅរាជកិច្ចលេខ៩២ ដែលត្រូវបានផ្សព្វផ្សាយដោយទីស្តីការគណៈរដ្ឋមន្ត្រីកាលពីថ្ងៃទី០៥ ខែធ្នូ ឆ្នាំ២០២៣។
