ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់បញ្ចប់មុខតំណែងពីទីប្រឹក្សាក្រសួងព័ត៌មាន១២៦រូប។
យោងតាមព្រះរាជក្រឹត្យ ចុះថ្ងៃទី២៣ ខែឧសភា ឆ្នាំ២០២៤ បានឲ្យដឹងថា នៅក្នុងចំណោមទីប្រឹក្សាទាំង១២៦រូប ដែលត្រូវបញ្ចប់មុខតំណែងនេះ មាន១រូបមានឋានៈស្មើរដ្ឋលេខាធិការ ៥១រូបមានឋានៈស្មើអនុរដ្ឋលេខាធិការ និង៧៤រូបមានឋានៈស្មើអគ្គនាយក។
កាលពីថ្ងៃទី២៦ ខែសីហា ឆ្នាំ២០២៣ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យត្រាស់បង្គាប់តែងតាំងនិងផ្តល់ឋានៈជាទីប្រឹក្សាក្រសួងព័ត៌មាន៤១៥រូប ដែលមានឋានៈចាប់ពីអគ្គនាយក ដល់រដ្ឋលេខាធិការ៕
