លោក ហ៊ុន សែន ប្រធានគណបក្សប្រជាជនកម្ពុជា បានសម្រេចផែនការស្នងតំណែងរបស់លោក ដោយលោក ហ៊ុន ម៉ាណែត ត្រូវបានបោះឆ្នោតជ្រើសរើសជានាយករដ្ឋមន្ត្រីនៃរាជរដ្ឋាភិបាលថ្មី។
បច្ចុប្បន្នភាព៖ ម៉ោង ៥ល្ងាច
តែប៉ុន្មានម៉ោងក្រោយពីបាត់បង់តំណែងនាយករដ្ឋមន្ត្រី លោក ហ៊ុន សែន តំណាងរាស្ត្រមណ្ឌលខេត្តកណ្តាល ត្រូវបានតែងតាំងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ។
ព្រះករុណាព្រះបាទសម្តេចព្រះបរមនាថនរោត្តម សីហមុនី បានឡាយព្រះហស្តលេខាលើព្រះរាជក្រឹត្យតែងតាំងនេះនៅថ្ងៃទី២២ ខែសីហា ដោយលោក ហ៊ុន សែន ត្រូវកាន់តំណែងបន្តពីអតីតប្រធានក្រុមឧត្តមប្រឹក្សាផ្ទាល់ព្រះមហាក្សត្រ គឺព្រះអង្គម្ចាស់នរោត្តម រណឫទ្ធិ ដែលបានសោយព្រះទិវង្គតនៅក្នុងឆ្នាំ២០២១នោះ។
លោក ហេង សំរិន ដែលបាត់បង់តំណែងជាប្រធានរដ្ឋសភា ក៏ត្រូវបានតែងតាំងជាប្រធានកិត្តិយសនៃក្រុមឧត្តមប្រឹក្សាផ្ទាល់ព្រះមហាក្សត្រដូចគ្នា។ អតីតឧបនាយករដ្ឋមន្ត្រីបីរូបផ្សេងទៀតគឺ លោក ស ខេង លោកជំទាវ ម៉ែន សំអន និងលោក ទៀ បាញ់ ក៏ត្រូវបានតែងតាំងជាឧត្តមប្រឹក្សាផ្ទាល់ព្រះមហាក្សត្រនៅក្នុងព្រះរាជក្រឹត្យដាច់ដោយឡែកផងដែរ។
ក្រុមឧត្តមប្រឹក្សាផ្ទាល់ព្រះមហាក្សត្រគឺជាក្រុមប្រឹក្សាថ្វាយយោបល់ ហើយខុសពីក្រុមប្រឹក្សារាជសម្បត្តិ ដែលមានភារកិច្ចជ្រើសរើសព្រះមហាក្សត្រថ្មី។
បច្ចុប្បន្នភាព៖
ព្រះករុណាព្រះបាទសម្តេចព្រះបរមនាថនរោត្តម សីហមុនី បានឡាយព្រះហស្តលេខាលើព្រះរាជក្រឹត្យតែងតាំងគណៈរដ្ឋមន្ត្រីថ្មី នៃរដ្ឋាភិបាលថ្មីរបស់លោកនាយករដ្ឋមន្ត្រី ហ៊ុន ម៉ាណែត។ ឯកសារទាំងនេះ ត្រូវបានចុះផ្សាយក្នុងគណនីតេឡេក្រាមរបស់លោក ហ៊ុន សែន ហើយដូចគ្នាទៅនឹងបញ្ជីឈ្មោះដែលបានរាយការណ៍កន្លងមក។
លោក ហ៊ុន ម៉ាណែត និងលោក ហ៊ុន សែន បានថ្លែងសុន្ទរកថានៅពេលព្រឹកហើយលោក ហ៊ុន ម៉ាណែត បានសន្យាថា នឹង “ការពារសន្តិភាពឲ្យបានជាដាច់ខាត”។
១.នាយករដ្ឋមន្ត្រី
ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត
២. ឧបនាយករដ្ឋមន្ត្រី
លោក នេត សាវឿន ឧបនាយករដ្ឋមន្ត្រី
លោក អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ
លោក ស៊ុន ចាន់ថុល ឧបនាយករដ្ឋមន្ត្រី
លោក ហង់ជួន ណារ៉ុន ឧបនាយករដ្ឋមន្ត្រីនិងជារដ្ឋមន្ត្រីក្រសួងអប់រំ យុវជននិងកីឡា
លោក សាយ សំអាល់ ឧបនាយករដ្ឋមន្ត្រីនិងជារដ្ឋមន្ត្រីរៀបចំដែនដី នគរូបនីយកម្ម និងសំណង់
លោក ស សុខា ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ
លោក ទៀ សីហា ឧបនាយករដ្ឋមន្ត្រីនិងជារដ្ឋមន្ត្រីក្រសួងការពារជាតិ
លោក កើត រិទ្ធ ឧបនាយករដ្ឋមន្ត្រីនិងជារដ្ឋមន្ត្រីក្រសួងយុត្តិធម៌
លោក សុខ ចិន្តាសោភា ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិ
លោក វង្សី វិសុទ្ធ ឧបនាយករដ្ឋមន្ត្រី និងជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី
៣. ទេសរដ្ឋមន្ត្រីទទួលបន្ទុកបេសកកម្មពិសេស
លោក គន់ គីម ទេសរដ្ឋមន្ត្រី
លោក ហូ សិទ្ធី ទេសរដ្ឋមន្ត្រី
លោក អ៊ុក រ៉ាប៊ុន ទេសរដ្ឋមន្ត្រី
លោក ឱម យ៉ិនទៀង ទេសរដ្ឋមន្ត្រី
លោក អៀង មូលី ទេសរដ្ឋមន្ត្រី
លោក ថោង ខុន ទេសរដ្ឋមន្ត្រី
លោក ពេជ សោភ័ន ទេសរដ្ឋមន្ត្រី
លោក ព្រុំ សុខា ទេសរដ្ឋមន្ត្រី
លោក សក់ សេដ្ឋា ទេសរដ្ឋមន្ត្រី
លោក អូស្មាន់ ហាសាន់ ទេសរដ្ឋមន្ត្រី
លោក អ៊ី ឈាន ទេសរដ្ឋមន្ត្រី
លោក អ៊ុក ប្រាថ្នា ទេសរដ្ឋមន្ត្រី
លោក អ៊ុច បូររិទ្ធ ទេសរដ្ឋមន្ត្រី
លោក ស្វាយ ស៊ីថា ទេសរដ្ឋមន្ត្រី
លោក ឆៃ ស៊ីណារិទ្ធ ទេសរដ្ឋមន្ត្រី
លោក លី ធុជ ទេសរដ្ឋមន្ត្រី
លោក ឆែម គាតរិទ្ធី ទេសរដ្ឋមន្ត្រី
លោក ឈៀង យ៉ាណារ៉ា ទេសរដ្ឋមន្ត្រី
លោក សុក ស៊ីផាន់ណា ទេសរដ្ឋមន្ត្រី
លោក កែវ រ៉េមី ទេសរដ្ឋមន្ត្រី
លោក គី តិច ទេសរដ្ឋមន្ត្រី
៤. រដ្ឋមន្ត្រី
លោក វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី
លោក ស សុខា រដ្ឋមន្ត្រីក្រសួងមហាផ្ទៃ
លោក ទៀ សីហា រដ្ឋមន្ត្រីក្រសួងការពារជាតិ
លោក សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ
លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ
លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ
លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម
លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍
លោក កែវ រតនៈ រដ្ឋមន្ត្រីក្រសួងរ៉ែ និងថាមពល
លោក ប៊ិន ត្រឈៃ រដ្ឋមន្ត្រីក្រសួងផែនការ
លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា
លោក ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា
លោក សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
លោក អ៊ាង សុផល្លែត រដ្ឋមន្ត្រីក្រសួងបរិស្ថាន
លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម
លោក នេត្រ ភក្ត្រា រដ្ឋមន្ត្រីក្រសួងព័ត៌មាន
លោក កើត រិទ្ធ រដ្ឋមន្ត្រីក្រសួងយុត្តិធម៌
លោក ហួត ហាក់ រដ្ឋមន្ត្រីក្រសួងអធិការកិច្ច
លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍
លោក ឈាង រ៉ា រដ្ឋមន្ត្រីក្រសួងសុខាភិបាល
លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន
លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ
លោក សុខ សូកេន រដ្ឋមន្ត្រីក្រសួងទេសចរណ៍
លោក ចាយ បូរិន រដ្ឋមន្ត្រីក្រសួងធម្មការ និងសាសនា
លោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី
លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ
លោក ហ៊ុន ម៉ានី រដ្ឋមន្ត្រីក្រសួងមុខងារសាធារណៈ
លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល
លោក ឡាំ ជា រដ្ឋមន្ត្រីទទួលបន្ទុកលេខាធិការដ្ឋានកិច្ចការព្រំដែន