យោងតាមសៀវភៅរាជកិច្ចបានឲ្យដឹងថា លោកស្រី សាយ សោភា ជាប្រធានក្រុមហ៊ុនមួយ ដែលធ្លាប់គ្រប់គ្រងដោយភរិយារបស់លោក ហ៊ុន ម៉ាណែត ទទួលបានគោរមងារជា ឧកញ៉ា។ លោកស្រី សាយ សោភា គឺជាអ្នកទទួលបានដីនៅបឹងតាមោក រាជធានីភ្នំពេញ និងត្រូវជាភរិយាឧត្តមសេនីយ៍ម្នាក់នៅកងពលលេខតូចលេខ៧០។
តាមឯកសាររាជកិច្ច ឡាយព្រះហស្ថលេខាលេខា នៅថ្ងៃទី៧ ខែតុលា ឆ្នាំ២០២២និងត្រូវបានចេញ ផ្សាយនៅក្នងសៀវភៅរាជកិច្ចលេខ៧៩ នៅខែឧសភា ឆ្នាំ២០២៣បានឲ្យដឹងថា លោកស្រី សាយ សោភា ទទួលបានគោរមងារជាឧកញ៉ា ជាងារកិត្តិយផ្តល់ជូនដល់អ្នកជំនួញ ដែលបានបរិច្ចាគថរិកាជូនរដ្ឋយ៉ាងតិច៥០ម៉ឺនដុល្លារ។
ទំព័រហ្វេសប៊ុករបស់លោកស្រី សាយ សោភា បានចែករំលែកព័ត៍មានអំពីការដែលលោកស្រីទទួលបានគោរមងារជាឧកញ៉ា ក៏ដូចជាអំពីការបរិច្ចាគទៅឱ្យកាកបាទក្រហមកម្ពុជា ដែលគ្រប់គ្រង់ដោយលោកជំទាវ ប៊ុន រ៉ានី ជាភរិយារបស់លោកនាយករដ្ឋមន្ត្រី ហ៊ុន សែន ទំនាក់ទំនងរបស់លោកស្រីជាមួយសាលាអន្តរជាតិវើលដ៏កម្ពុជា និងមានរូបថតជាមួយលោក ភឺន ផល្លា ដែលជាស្វាមី និងមនុស្សមួយចំនួនទៀត។
ក្រសួងពាណិជ្ជកម្មបានចុះបញ្ជីលោកស្រីជាប្រធានក្រុមហ៊ុនចំនួន៧ រួមទាំងក្រុមហ៊ុន ភឺន ផល្លា គ្រុប ឌីវេឡុបមេន ក្រុមហ៊ុន សាយ សោភា អេឌ្យូខេសិន និងក្រុមហ៊ុន អ៊ែកធីវ ប្រផឹធី។
តាមព័ត៌មានរបស់ក្រសួងពាណិជ្ជកម្មបានឱ្យដឹងថា ក្រុមហ៊ុន អ៊ែកធីវ ពីមុនត្រូវបានដឹកនាំដោយលោកស្រី ពេជ ចន្ទមុន្នី ដែលជាភរិយារបស់លោក ហ៊ុន ម៉ាណែត កូនប្រុសរបស់លោកនាយករដ្ឋមន្ត្រី។
លោកស្រី សាយ សោភា បានទទួលដីយ៉ាងហោចណាស់ចំនួន៤កន្លែង ដែលធ្លាប់ជាដីសាធារណៈរបស់រដ្ឋនៅបឹងតាមោក ដែលជាបឹងធំជាងគេនៅរាជធានីភ្នំពេញ ដែលបច្ចុប្បន្ននេះត្រូវបានគេចាក់ដីលុបសម្រាប់ការអភិវឌ្ឍអចលនទ្រព្យ។ ដីទាំងបួនកន្លែងនេះមានទំហំសរុបប្រហែល១០០ហិកតាហើយត្រូវបានផ្ទេរមកលោកស្រីដោយអនុក្រឹត្យកាលពីឆ្នាំ២០២១។
ស្វាមីរបស់លោកស្រី គឺលោក ភឺន ផល្លា ដែលតាមព័ត៌មានថា ជាមេបញ្ជាការរងកងពលតូចលេខ៧០ ដែលធ្លាប់ជាអង្គភាពអង្គរក្សផ្ទាល់របស់លោកនាយករដ្ឋមន្ត្រី ហ៊ុន សែន ហើយធ្លាប់ត្រូវបានចោទប្រកាន់ថា ជាប់ពាក់ព័ន្ធក្នុងការសម្លាប់ដែលមានលក្ខណៈនយោបាយ។
លោក ភឿន ផល្លា ដែលក៏ជាឧកញ៉ាផងដែរ ធ្លាប់ប្រឈមមុខនឹងពាក្យបណ្តឹងជុំវិញជម្លោះដីធ្លីនិងការស៊ើបអង្កេតពីយោធា ហើយលោកក៏ជាអតីតនាយកក្រុមហ៊ុន អ៊ែងធីវ ប្រផឹធី ផងដែរ។
ក្រុមហ៊ុនរបស់លោកស្រី សាយ សោភា ក៏ពាក់ព័ន្ធនឹងការពង្រីកស្ទឹងព្រែកត្នោតក្នុងខេត្តកណ្តាល ដែលធ្វើឲ្យប្រជាពលរដ្ឋជិត១០០គ្រួសារ ប្រឈមនឹងការបណ្តេញចេញ៕
