លោកស្រី ជា សិរី នឹងត្រូវដឹកនាំធនាគារជាតិនៃកម្ពុជា ជំនួសឪពុករបស់លោក ស្រី គឺលោក ជា ចាន់តូ ដែលទំនងក្លាយជាសមាជិករដ្ឋសភាឆាប់ៗនេះ នេះបើ យោងតាមព្រះរាជក្រឹត្យ ដែលត្រូវបានផ្សព្វផ្សាយកាលពីចុងសប្តាហ៍មុន។
យោងតាមព្រះរាជក្រឹត្យចុះកាលបរិច្ឆេទថ្ងៃទី២៩ ខែកក្កដានិងត្រូវបានផ្សព្វផ្សា យដោយបណ្តាញព័ត៌មានគាំទ្ររដ្ឋាភិបាល Fresh News កាលពីថ្ងៃទី៣០ ខែ កក្កដាបានបង្ហាញថា លោកស្រី ជា សិរី ត្រូវបានតែងតាំងជាអគ្គទេសាភិបាលថ្មី នៃធនាគារជាតិនៃកម្ពុជា ដែលទទួលខុសត្រូវក្នុងការរៀបចំគោលនយោបាយរូបិយវត្ថុនៅប្រទេសកម្ពុជា។
ការតែងតាំងនេះ ធ្វើឡើងតែប៉ុន្មានខែ បន្ទាប់ពីលោកស្រីត្រូវបានតែងតាំងជា អគ្គទេសាភិបាលរងនៃធនាគារជាតិកាលពីខែមីនា។
លោកស្រីនឹងស្នងតំណែងពីឪពុក គឺលោក ជា ចាន់តូ ដែលបានចូលរួមប្រកួត ប្រជែងនៅក្នុងការបោះឆ្នោតនាពេលថ្មីៗនេះនិងឈ្នះអាសនៈសម្រាប់គណបក្សប្រជាជនកម្ពុជានៅមណ្ឌលខេត្តកំពង់ធំ។
ចំណែកលោក យឹម លាត ជាកូនប្រុសរបស់លោកឧបកនាយករដ្ឋមន្ត្រី យឹម ឆៃលី ក៏ត្រូវបានតែងតាំងជាអគ្គទេសាភិបាលរងនៃធនាគារជាតិផងដែរ នេះបើ យោងតាមព្រះរាជក្រឹត្យដាច់ដោយឡែកមួយទៀតចុះកាលបរិច្ឆេទថ្ងៃទី២៩
ខែកក្កដា ឆ្នាំ២០២៣។
លោក យឹម លាត ក៏ទំនងជាត្រូវចូលរដ្ឋសភាប៉ុន្មានសប្តាហ៍ខាងមុខនេះផងដែរ
បន្ទាប់ពីឈ្នះអាសនៈសភានៅក្នុងការបោះឆ្នោតជាតិខែកក្កដាសម្រាប់មណ្ឌលខេត្តកំពង់ធំ។ ឪពុករបស់លោកក៏ទទួលបានអាសនៈសម្រាប់មណ្ឌលខេត្តកំ ពង់ចាមផងដែរ។
មន្ត្រីពីររូបផ្សេងទៀតត្រូវបានតែងតាំងជាអគ្គទេសាភិបាលរងនៃធនាគារជាតិផងដែរ គឺលោក រ័ត្ន សុវណ្ណនរៈ ដែលបច្ចុប្បន្នជាអគ្គនាយកត្រួតពិនិត្យ និងលោក ស្រី សាយ សំអាត បច្ចុប្បន្នជាប្រធានអង្គភាពស៊ើបការណ៍ហិរញ្ញវត្ថុកម្ពុជា។
នៅក្នុងព្រះរាជក្រឹត្យដាច់ដោយឡែកមួយទៀតចុះកាលបរិច្ឆេទថ្ងៃទី២៩ ខែកក្កដាបានឲ្យដឹងថា មន្ត្រីបួនរូបទៀតត្រូវបានតែងតាំងតួនាទីថ្មីនៅក្នុងធនា គារជាតិនៃកម្ពុជាផងដែរក្នុងនោះមានលោក អ៊ូ ចាន់តារា នឹងក្លាយជាអគ្គបេឡា លោក គីមទី កោមលី នឹងក្លាយជាអគ្គនាយកបច្ចេកទេស លោក គ្រុយ វាសនា នឹងក្លាយជាអគ្គលេខាធិការ និងលោក គិត សុវណ្ណារិទ្ធ នឹងក្លាយជាអគ្គនាយក ត្រួតពិនិត្យ។ តំណែងរបស់លោកទាំងបួនមានឋានៈស្មើរដ្ឋលេខាធិការ៕