រដ្ឋាភិបាលកាត់ដីទំហំជិត ៥០០ហិកតា ដើម្បីធ្វើអនុបយោគ និងប្រគល់ជូនក្រុមហ៊ុនអចលនទ្រព្យដ៏ធំមួយរបស់កូរ៉េ

១៩ មករា ២០២៤

រដ្ឋាភិបាលកាត់ឆ្វៀលដីទំហំជិត ៥០០ហិកតា នៅខេត្តព្រះសីហនុ ដើម្បីធ្វើអនុបយោគជាដីឯកជនរបស់រដ្ឋ និងប្រគល់ជូនក្រុមហ៊ុនអភិវឌ្ឍអចលនទ្រព្យដ៏ធំមួយរបស់កូរ៉េ។

យោងតាមអនុក្រឹត្យលេខ១៥០ អនក្រ.បក ចុះកាលបរិច្ឆេទថ្ងៃទី៧ ខែកក្កដា ឆ្នាំ២០២៣ ក្នុងសៀវភៅរាជកិច្ចលេខ៧០ និងត្រូវបានចេញផ្សាយដោយទីស្តីការគណៈរដ្ឋមន្ត្រី កាលពីថ្ងៃទី៨ ខែវិច្ឆិកា ឆ្នាំ២០២៣ បានឱ្យដឹងថា រដ្ឋាភិបាលបានសម្រេចកាត់ឆ្វៀលដីទំហំ ៤៨៦ ហិកតា ៨៦អា ស្ថិតនៅភូមិ១ និងភូមិ២ ឃុំអូរត្រេះ ស្រុកស្ទឹងហាវ ខេត្តព្រះសីហនុ ចេញពីដែនគម្របព្រៃឈើឆ្នាំ២០០២។

អនុក្រឹត្យដដែល បញ្ជាក់ថា ផ្ទៃដីទំហំជិត ៥០០ហិកតានេះ នឹងត្រូវធ្វើអនុបយោគជាដីឯកជនរបស់រដ្ឋ និងប្រគល់ជាកម្មសិទ្ធិជូនក្រុមហ៊ុន ប៊ូយ៉ុងខ្មែរ II ខូអិលធីឌី ( BOOYOUNG KHMER II CO.,Ltd) ។

ក្រុមហ៊ុន ប៊ូយ៉ុងខ្មែរ II ខូអិលធីឌី គឺជាបុត្រសម្ព័ន្ធរបស់ក្រុមហ៊ុន BOOYOUNG GROUP របស់សាធារណរដ្ឋកូរ៉េ ហើយក្រុមហ៊ុននេះ បានមកវិនិយោគនៅកម្ពុជាចាប់តាំងពីឆ្នាំ២០០៧មក លើវិស័យមួយចំនួនដូចជា ផ្នែកអចលនទ្រព្យ ខុនដូ បូរី សណ្ឋាគារ សេវាទូរគមនាគមន៍ សាលារៀន សាកលវិទ្យាល័យ និងធនាគារជាដើម។

កាលពីខែមិថុនា ឆ្នាំ២០២៣ ក្រុមហ៊ុន ប៊ូយ៉ុងខ្មែរ II ខូអិលធីឌី បានចុះហត្ថលេខាលើអនុស្សរណៈនៃការយោគយល់ ដោយបានសន្យាផ្តល់រថយន្តក្រុងប្រភេទថ្មីចំនួន ១០០០គ្រឿង ជូនរាជរដ្ឋាភិបាលកម្ពុជា៕

រដ្ឋាភិបាលកាត់ដីទំហំជិត ៥០០ហិកតា ដើម្បីធ្វើអនុបយោគ និងប្រគល់ជូនក្រុមហ៊ុនអចលនទ្រព្យដ៏ធំមួយរបស់កូរ៉េ

បច្ចុប្បន្នភាពថ្មី

លោក មួង ឃីម ត្រូវបានបញ្ចប់មុខតំណែងពីទីប្រឹក្សាក្រសួងយុត្តិធម៌

លោក ប្រាក់ សុខុន គ្រោងវិលមកកាន់តំណែងជារដ្ឋមន្ត្រីក្រសួងការបរទេសឡើងវិញ

ព្រះមហាក្សត្រចេញព្រះរាជក្រឹត្យបញ្ចប់មុខតំណែងលោក ដួង តារា ពីរដ្ឋលេខាធិការ ទីស្តីការគណៈរដ្ឋមន្ត្រី

តុលាការសម្រេចឃុំខ្លួនលោក លី សាម៉េត នៅពន្ធនាគារព្រៃស ពីបទឆបោក

រាជរដ្ឋាភិបាលតែងតាំងលោក លីវ វណ្ណថេង ជាអភិបាលស្រុកល្វាឯមជំនួសលោក កន សុខកាយ

នាយនគរបាលថ្នាក់ឧត្តមសេនីយ៍បីរូប ត្រូវបានបន្ថយឋានន្តរស័ក្តិមកត្រឹមពលបាលត្រី

បច្ចុប្បន្នភាព